Kërpudhat, vlerat ushqyese dhe shëndetësore

Kërpudhat janë gjallesa te veçanta që i takojnë grupit Mykofitava apo Mbretëria e kërpudhave. Ato nuk janë në gjendje t’i krijojnë materjet organike si bimët me klorofil. Kërpudhë quhet zakonisht pjesa e dukshme e mykeve shumëqelizore.  Në botë ekzistojnë 10 mijë lloje kërpudhash. 50% e tyre janë të pangrënshme. 29% janë të ngrënshme. 20% shkaktojnë sëmundje dhe 1% janë vdekjeprurëse. Kërpudhat janë të vetmet ushqime jo shtazore që kanë shijet e mishit. Përveçse të shijshme, kërpudhat janë nga ushqimet me më pak kalori dhe kanë vlerat e tyre në organizëm edhe në aspektin shëndetësor.

Zvogëlojnë nivelin e kolesterolit- Enzimat dhe fibrat që përmban, ndihmon në uljen e kolesterolit. Përmbajtja e lartë e proteinës së varfër në energji kontribuon në “shkatërrimin” e kolesterolit të lartë, pasi bëhet tretja e kërpudhave.

Kanë veprim mbrojtës nga kanceri i gjirit dhe kancerit të prostatës- Bashkërendimi i acidit linoleik dhe betaglukanit në përmbajtje japin vetinë e aktivitetit antikanceror. Përmbajtja në selen ndihmon në pezullimin e qelizave kancerike. Gjithashtu, shumë studime kanë treguar se duke vepruar së bashku me vitaminën E ulin ndjeshëm shfaqjen e kancerit të zorrës së trashë.

Janë rregullatore të sheqerit në gjak - Vlera ushqyese, si dhe përmbajtja e saj me enzima dhe insulinë, ndihmon në uljen e glukozës që përmbajnë ushqime të caktuara. Antibiotikët natyrorë që përmban mbrojnë kundër infektimeve të gjymtyrëve të krijuara për shkak të diabetit.

Ndihmojnë në përmirësim e sistemit imunitar- Ergothionina, një nga antioksidantët natyror më të fuqishëm që përmban kërpudha, mbron kundër radikaleve të lira që ulin mbrojtjen e trupit. Antibiotikët dhe sidomos Penicilina, po ashtu dhe vitamina A, vitamina C dhe vitamina B kompleks, që gjenden në kërpudhat, forcojnë sistemin imunitar.

Ndihmojnë shëndetin e eshtrave- Seleni që përmbahet në sasi të madhe kontribuon në shëndetin e eshtrave, të thonjve, të flokëve dhe gjithashtu vepron edhe si një antioksidant. Kërpudhat janë të pasura në kalcium, i cili ndihmon për ashte të forta, funksionin e sistemit nervor etj. Kjo është një zgjedhje e mirë për gratë që janë në menopauzë dhe kanë nevoja të mëdha për kalcium.

Zvogëlojnë rrezikun edhe për disa sëmundje tjera - Është provuar se kërpudhat pakësojnë rrezikun e zhvillimit të sëmundjeve të zemrës. Fibrat dietike te kërpudhat luajnë një rol të rëndësishëm në mbajtjen e rolit dhe funksionimit të zemrës. Parandalimi i presionit të gjakut, që arrihet për shkak të përmbajtjes së kaliumit (përmbajtja e ulët e natriumit dhe e lartë e kaliumit ndihmon në parandalimin e presionit të lartë të gjakut). Është vërejtur një rënie 70% në rrezikun e krijimit të sëmundjes “Alzheimer”, te njerëz të cilët konsumojnë kërpudha. Kur kërpudha konsumohet çdo ditë, rreziku i kancerit ulet për të paktën 64%. Hekuri i përfshirë në kërpudha ndihmon në rastet e anemisë. Aktivitet antibakteriale për shkak të përmbajtjes së bakrit.

Ushqim i mirë për dietë- Këpurdhat janë shumë të shijshme e për këtë janë pjesë e shumë ushqimeve në tryezat tona. Ato janë të pasura edhe me vitamina të grupit B, në veçanti i vitaminës B2 dhe B3, thelbësore për metabolizmin e yndyrave, sheqernave dhe proteinave dhe për ta mbajtur sistemin nervor të shëndetshëm. Këpurdhat janë burim i kaliumit, fosforit, magnezit, të çmuar për funksionimin e duhur të organizmit. Për më tepër, ata kanë një avantazh tjetër: ato janë të mira për kockat. Përmbajnë vitaminën D, e cila ndihmon në përthithjen e kalciumit, i cili është thelbësor për kyçet e forta dhe parandalimin e osteoporozës. Këpurdhat janë shumë të mira edhe për personat në dietë. Janë një aleat i shkëlqyer i linjave të trupit, pasi përmbajnë rreth 90% ujë. Në 100 gramë kërpudha përmbajnë nga 20 në 25 kalori. Këshillohet të konsumohet rreth 80 gramë në ditë, dhe jo më shumë se dy herë në javë. Sa i takon gatimit, kërpudhat duhen të gatuhen gjithmonë me kujdes dhe pa kapak. Kjo lehtëson avullimin e toksinave që mund të krijojnë probleme.