Rreth autorit

Afrim Berisha u lind me 6 janar 1972 në fshatin Berishë të Malishevës. Ka kryer fakultetin e Shkencave Matematike-Natyrore, Dega e Biologji në Universitetin e Prishtinës në vitin 1997, në vitin 2007 ka përfunduar studimet Master në Drejtimin Ekologji me Mbrojtje të Mjedisit në Departamentin e Biologjisë- FSHMN të UP, kurse në vitin 2019 ka përfunduar studimet e doktoratës në Universitetin Shtetëror të Shkupit “Kiril dhe Metodi” dhe ka marrë gradën Doktor i Shkencave të Mjedisit.

Një kohë ka punuar si mësimdhënës në shkollën fillore “Rifat Berisha” në Berishë, e më vonë si gazetar dhe redaktor në Radion “Kosova e Lirë”. 

Që nga viti 2003 punon në Ministrinë e Mjedisit dhe Planifikimit Hapësinorë, fillimisht si zyrtarë profesional për biodiversitet në Institutin e Kosovës për Mbrojtjen e Natyrës.  Më vonë ka ushtruar detyrën e udhëheqësit të sektorit për Raporte, Plane dhe Programe Mjedisore në Agjencinë për Mbrojtjen e Mjedisit të Kosovës, ndërsa aktualisht është udhëheqës i Drejtorisë për Vlerësimin e Gjendjes së Mjedisit në këtë agjenci.

Është autor dhe bashkë autor i disa punimeve shkencore dhe hulumtimeve në fushën e mjedisit, të publikuara në revista, simpoziume dhe konferenca me karakter ndërkombëtarë. Autor, redaktor dhe pjesëmarrës në disa publikime, raporte e broshura profesionale në sektorin e mbrojtjes së mjedisit.

Pjesëmarrës në shumë punëtori, seminare dhe konferenca mjedisore në disa prej të cilave është paraqitur me referime dhe prezantime për çështje të ndryshme mjedisore.

Është Koordinator Nacional i Bashkëpunimit (NFP) me Agjencinë e Mjedisit të  Evropës (EEA) dhe Rrjetit Evropian për Informim dhe Monitorim (EIONET) dhe njëherit pikë Referente Nacionale (NRC) e Agjencionit Evropian të Mjedisit dhe Rrjetit Evropian për Informim dhe Monitorim për Raportin e Gjendjes së Mjedisit dhe për Komunikim Mjedisor.    

Koordinator dhe pjesëmarrës në shumë projekte mjedisore të realizuara nga institucione qeveritare, joqeveritare dhe donatorë. Ka qenë anëtarë dhe zëdhënës i bordit të rrjetit BELLS - Ballkan Environmental Life Leadership Standards, dhe është shpallur Ambasador Nderi i Mjedisit nga ATRC dhe REA – Regional Environmental Ambasadors.

Autor i disa shkrimeve, komenteve, vështrimeve dhe analizave për probleme dhe çështje të ndryshme mjedisore. Në vitin 2003 ka botuar përmbledhjen me poezi “Lirikë Vjeshte”.