Nga studimi ndërkombëtar i bërë nga Instituti i Shkencave Atmosferike dhe Klimatike të Këshillit Kombëtar të Kërkimit të Torinos (Cnr-Isac), i botuar në revistën ”Global Change Biology” mësohet se shpyllëzimi i pyjeve shkakton zvogëlim tejet të madh të reshjeve vjetore atmosferike. Studimi mbi ndikimin e madh që ka shpyllëzimi në zvogëlimin e reshjeve atmosferike është bërë në Amazonë. Studimi ka konstatuar se pyjet e shiut të Amazonës nuk janë vetëm një nga mushkëritë më të mëdha të planetit, por edhe një vend veçanërisht me shira, një mikrolklime që prodhohet nga avujt e ujit të lëshuara nga bimët gjatë fotosintezës, proces i cili bënë që të ketë reshje atmosferike gjatë gjithë vitit.
Shpyllëzimi intensiv dhe i pandërprerë po e ndryshon këtë mekanizëm dhe studimet dëshmojnë se ky ndryshim i mikroklimës amazoniane mund të jetë më i madh nga sa mendohet. Ndryshimet e vogla në lagështinë e ajrit, për shkak të pranisë ose mungesës së pemëve, mund të çojnë në ndryshime të mëdha në reshjet e shiut.
Në rastin më ekstrem shpyllëzimi mund të çojë
në një reduktim të reshjeve vjetore me 55-70 për qind. Edhe një shpyllëzim
relativ mund të ketë efekte më dramatike, sesa pritej, për sa i përket shirave,
pyjeve dhe zonave fqinje, tërheq vërejtjen artikulli i Shkencave Atmosferike
dhe Klimatike të Këshillit Kombëtar të Kërkimit të Torinos (Cnr-Isac), i botuar
në revistën ”Global Change Biology”.
No comments:
Post a Comment