Dy rrëfime interesante nga Antarkdita

Edhe pse është e pabanuar nga njerëzit Antarktida mbetet një nga zonat që është vazhdimisht në vëmendjen e mediave, turistëve dhe të studiuesve për shkak të shkrirës së akullit që po ndodhe atje dhe botës së gjallë interesante që mban. Kësaj radhe nga Antarktida e akullt kemi zgjedhur dy rrëfime interesante. I pari flet për një ajsberg gjigant që është shkëputur nga pjesa e madhe e kontinentit të ngrirë dhe që po shkon drejt oqeanit të hapur, ndërsa i dyti na tregon për një ishull që u zbulua pas shkrirjes së akullnajave në këtë zonë.

Ajsbergu më i madh në botë del në oqean të hapur

Shkencëtarët thonë se ajsbergu më i madh në botë është gati të hyjë në oqean të hapur. Ajsbergu me një trilion ton vlerësohej të ishte 5800 kilometra katrorë kur u shkëput për herë të parë nga Antarkdita në vitin 2017. Tani shkencëtarët thonë se ajsbergu i quajtur A68 është në lëvizje dhe po shkon drejt ujërave të hapura të Oqeanit Jugor. Duke folur për BBC, një shkencëtar nga Universiteti Swansea tha që ajsbergu gjatë rrugës së tij ka të ngjarë të zvogëlohet në madhësi pasi po përballet me ujëra më të ashpra.

Shkrirja e akullit zbulon ishullin e panjohur në Antarktik

Një ishull i madhësisë së Windsor Castle është zbuluar në Antarktida pas shkrirjes së akullnajave të shkaktuara nga temperaturat e larta rekorde deri në 20 gradë Celsius. Një grup i kërkuesve polarë nga projekti Thwaites Offshore Research (THOR) vërejtën ishullin gjatë kalimit të tyre përmes Pine Island Bay në Polin Jugor. Ishulli u pagëzua me emrin Sif sipas perëndeshës norvegjeze të pjellorisë dhe familjes, e cila ishte gjithashtu gruaja e perëndisë luftëtar Thor, nga ekipi kërkimor i akullnajave THOR.

Shkencëtarët thanë se ishulli përbëhet nga graniti dhe banohet nga fokat. Ata shpresojnë tash të zbulojnë më tepër rreth përbërjes së ishullit, pas përfundimit të udhëtimit të tyre deri në fund të muajit mars.