Skifteri, shpend i veçantë që mund të jetojë deri në 70 vite!

Një skifter, mund te jetojë deri në 70 vite. Por që të arrijë deri në këtë moshë, ai duhet të marrë një vendim të vështirë në jetë. Kur arrin moshën 40 vjeçare, thonjtë e tij humbasin elasticitetin dhe fuqinë, duke e patur të pamundur tashmë që të kapin prenë, e cila është burimi kryesor i ushqimit. Në këtë moshë, po ashtu, edhe sqepi i tij i mprehtë dhe i fuqishëm fillon e lakohet duke mos e kryer funksionin e tij. Dyzet vitet mbi supe, i bëjnë dhe krahët e tij të rëndë për shkak të peshës së puplave, të cilat i ngjiten në trup dhe ia vështirësojnë fluturimin. Këto kushte, e detyrojnë skifterin të marrë një vendim tejet të vështirë. Alternativa tjetër është vdekja e ngadaltë të cilën ai e refuzon. Ai vendos t'i hyjë një proces ndryshimi rrënjësor, proces i cili zgjat 150 ditë.

Ai fluturon në majën më të lartë dhe ndërton folenë. Pastaj, së pari fillon e godet sqepin nëpër shkëmbinj me gjithë fuqinë e tij, deri sa t'i thyhet. Pasi ta ketë thyer sqepin, pret deri sa t'i rritet. Së dyti, me sqepin e ri, fillon e shkul kthetrat e këmbëve. Pasi t'i jenë rritur kthetrat, fillon shkul të gjitha puplat e vjetra.

Pesë muaj pas kësaj torture, skifteri i kthehet sërish fluturimit në qiell, si të kishte lindur për së dyti. Ky ndryshim i dhimbshëm, e mundëson të jetojë edhe për 30 vite të tjera.