Taksitë fluturuese, dërgesat me dron dhe udhëtimet me aeroplan në distanca të shkurtra të mundësuar nga hidrogjeni ose bateritë nuk janë larg nga realiteti. Vizioni i ardhshëm i Kërkimit dhe Inovacionit i Britanisë së Madhe përcakton sesi udhëtimi ajror me emetime zero midis qyteteve të Britanisë mund të jetë i mundur brenda një dekade. Një nga elementët kryesore të udhërrëfyesit është përdorimi i hidrogjenit ose avionëve me energji elektrike për të siguruar udhëtime të shkurtra për deri në 10 persona. Këto taksi ajrore me ngritje vertikale do të eliminonin emetimet e karbonit, do të lehtësonin mbipopullimin në qytetet britanike dhe do të pakësonin kohën e udhëtimit për udhëtarët.
Përdorimi i shtuar i dronëve si për
shpërndarjen e mallrave ashtu edhe për shërbimet e urgjencës do të sigurojnë
gjithashtu akses të shpejtë dhe të përshtatshëm për mallrat dhe shërbimet e
përditshme dhe do të mbështesin shërbimet e urgjencës në ndërmarrjen e
inspektimeve dhe operacioneve komplekse. Zhvillimet aktuale përfshijnë provat e
fluturimit hibrid, elektrik të avionëve nga kompania e aviacionit Ampaire. Projekti
Air-One, i udhëhequr nga Urban-Air Port, është një tjetër dhe përfshin ngritjen
e aeroportit më të vogël në botë në Coventry. "Disa nga konceptet në këtë
udhërrëfyes mund të duken pak më larg se 2030, por e ardhmja është më afër nga
sa mendoni.
No comments:
Post a Comment