Shkencëtarët zbuluan se bimët lëshojnë zëra që nuk mund të dëgjohen nga veshi i njeriut, ndërsa i rrisin këto zëra kur janë të etur ose nën stres, transmeton Anadolu. Sipas hulumtimit të publikuar në revistën kërkimore "The Cell", botanistët vunë në pah se bimët në kundërshtim me atë që dihej nuk janë "krijesa të heshtura". "Ka shumë organizma që i përgjigjen zërit, prandaj mendova se nuk kishim arsye të mirë për të besuar se bimët ishin shurdhmemecë", tha për CNN profesor Lilach Hadany, dekane e Fakultetit të Shkencave pranë Universitetit Tel Aviv. Hadany, e cila fillimisht para 6 vitesh me anë të një mikrofoni ultrasonik në laboratorin e saj inçizoi zërin e një kaktusi, tha se nuk ishte e sigurt plotësisht nëse tingulli që kishte regjistruar vinte nga kaktusi apo diçka tjetër në mjedis.
Duke rikujtuar se ashtu siç dihej më parë se bimët krijojnë vibrime, por nuk ka asnjë prova se këto shndërrohen në valë zanore që përhapen në ajër, Hadany vuri në dukje se ajo dhe ekipi i saj kanë punuar mbi një kuti akustike të papërshkueshëm nga zëri.
Ekipi i saj mikrofonat akustike që mund të perceptojnë
tingujt midis 20 dhe 250 kilohertz janë vendosur në kutitë ku i kanë vendosur
gjithashtu fidanët e duhanit dhe domateve ndërsa disa prej bimëve i preu, disa
i lanë pa ujë dhe disa nuk i prekën aspak.
Pas kësaj ekipi regjistroi zëra të padëgjueshme nga njeriu
prej 40 deri në 80 kilohertz. Sipas tyre këto zëra përngjajnë me atë të plasjes
së pupagjelit. Gjithashtu ekipi pohon se bimët që janë nën stres lëshojnë më
shumë zë.
No comments:
Post a Comment