Parlamenti Evropian (PE) miratoi ligjin i cili përfshin ndalimin e importimit në vendet e Bashkimit Evropian (BE) për produkte të ndryshme si sojë, mish viçi, vaj palme, dru, kakao dhe kafe, të cilat prodhohen duke dëmtuar pyjet. Në seancën e Asamblesë së Përgjithshme të mbajtur në Strazburg, me 552 vota pro u pranua ligji i përgatitur për të parandaluar shkatërrimin e pyjeve në gjithë botën, për të luftuar ndryshimin e klimës dhe për të parandaluar humbjen e biodiversitetit. Sipas ligjit, produktet e shitura në tregjet e BE-së nuk duhet të jenë shkak për shkatërrimin e pyjeve në mbarë botën. Kompanitë do të mund të shesin në tregun e BE-së produkte të cilët nuk shkaktojnë prishjen e pyjeve dhe shpyllëzim.
Do të jetë e detyrueshme që produkte të tilla kryesisht si vaji i palmës, mishi viçit, druri, kafeja, kakaoja, kauçuku, soja, çokollatat, mobilet, letra dhe lëkura të mos kenë kontribut për shpyllëzimin. Po ashtu thuhet se do të vendoset kushti për detyrën e kujdesit ndaj atyre që sigurojnë produktet në fjalë në tregun e BE-së. Në tregun e BE-së do të lejohet qasje vetëm për produkte të prodhuara në toka që nuk i janë nënshtruar shpyllëzimit ose shkatërrimit të pyjeve pas 31 dhjetorit 2020.
BE-ja do të klasifikojë me rrezik të ulët, normal dhe të
lartë vendet që prodhojnë produktet në fjalë. Kategoria e rrezikut do të
përcaktojnë nivelin e përgjegjësive në kontrollet që do të kryhen. Ndaj
kompanive që nuk zbatojnë rregullat e përcaktuara mund të gjobiten deri në 4
për qind të xhiros së tyre vjetore në vendin e BE-së. Rregullorja në fjalë, pas
miratimit zyrtar të vendeve të BE-së do të hyjë në fuqi duke u botuar në
Gazetën Zyrtare të BE-së.
Burimi: Anadolu
No comments:
Post a Comment