Kimisti gjerman Benjamin List dhe David MacMillan i lindur në Mbretërinë e Bashkuar, janë vlerësuar me Çmimin Nobel në Kimi. Ata morën çmimin për “zhvillimin një mjeti të ri të saktë për ndërtimin molekular, të quajtur: organokatalizë”. “Shumë fusha kërkimore dhe industri varen nga aftësia e kimistëve për të ndërtuar molekula që mund të formojnë materiale elastike dhe të qëndrueshme, të ruajnë energji në bateri ose të pengojnë përparimin e sëmundjeve”, tha Akademia Mbretërore Suedeze e Shkencave në një deklaratë. “Kjo punë kërkon katalizatorë, të cilët janë substanca që kontrollojnë dhe përshpejtojnë reaksionet kimike, pa u bërë pjesë e produktit përfundimtar”, thuhej më tej në deklaratë.
Fizikanti dhe kimisti holandez Jacobus Henricus van 't Hoff është fituesi i parë i Çmimit Nobel për kimi në viti 1901. Që nga viti 901 Çmimi nobel për kimi nuk i është dhënë askujt në tetë vite edhe atë në vitin 1916, 1917, 1919, 1924, 1933, 1940, 1941, 1942, por megjithatë në shumë vite është dorëzuar më shumë se një çmim për kimistë. Shteti me më shumë çmime të fituara janë Shtetet e Bashkuara me 45 lauratë e përcjellur nga Gjermania me 24 lauratë dhe Britania e Madhe me 22 lauratë.
No comments:
Post a Comment