Amadeus quhet liqeni i njelmët që gjendet në jugperëndim të territorit verior të Australisë, që përndryshe njihet si deponi gjigante e kripës – e krijuar nga bjeshkët e afërta para 500 milionë vjetësh. Për shkak të thatësirave, ky liqen mbushet me ujë vetëm gjatë periudhave me shi, ndërkaq në shumicën e kohës aty mund të shihen vetëm shtresa të trasha të kripës.
Brenda liqenit të madh ndodhen me dhjetëra ishuj të vegjël nga rëra e kuqe, që e bëjnë peizazhin të duket si një pikturë abstrakte. Ngjyra e bardhë dhe e kuqe e liqenit përshkohen nga nuancat e së gjelbrës – respektivisht nga bimët që arrijnë të mbijetojnë në këta ishuj ranor, përkundër pranisë së madhe të kripës, nxehtësisë dhe thatësirës.
Liqeni Amadeus është i gjatë 180 km dhe i gjerë 10 km, ndërsa njihet si liqeni më i madh i njelmët në territoret veriore të Australisë. Ky liqen ka rreth 600 milionë tonë kripë, mirëpo nxjerrja e kripës nuk është treguar aspak praktike për shkak të largësisë së këtij lokacioni.
No comments:
Post a Comment