Britania e Madhe po përgatitet për taksitë ajrore

Qeveria britanike shpalli një plan të quajtur "e ardhmja e fluturimit", i cili u zhvillua në bashkëpunim me industrinë e aviacionit dhe sipas të cilit taksitë ajrore duhet të ngritën në atë vend brenda dy viteve. Sapo avionë të tillë të shfaqen në qiellin britanik, qeveria synon të zhvendosë fokusin në autonominë e tyre. Një gjë e tillë do të marrë akoma më shumë kohë, por plani aktual është që taksitë fluturuese autonome, pra avionë pa pilotë dhe të kontrolluar me kompjuter, të ngritën deri në vitin 2030. Deri atëherë, shumë gjëra duhet të zgjidhen, nga përmirësimi i vetë teknologjisë, në të cilën theksi kryesor duhet të jetë tek siguria, tek infrastruktura dhe rregullimi. Për taksitë fluturuese flitet prej vitesh dhe tashmë shumë kompani private po testojnë avionë të tillë. Sipas disa njoftimeve, ata së shpejti duhet të fillojnë transportin e pasagjerëve në disa qytete të botës nga Dubai në Nju Jork dhe Los Anxhelos dhe sipas dëshirës së qeverisë britanike, ata mund t'i presim në atë vend që në vitin 2026.

Edhe pse modele të ndryshme avionësh janë duke u zhvilluar, shumica e taksive të tilla fluturuese duhet të duken si një lloj helikopterësh futuristik që mund të ngrihen dhe ulen vertikalisht, në mënyrë që të mos kenë nevojë për pista ajrore klasike, as pjesë të rrugës, por vetëm për helikopterë të vegjël. Dron të tillë, dmth taksitë fluturuese, duhet të transportojnë më së shumti pesë persona, pra, njësoj si taksitë klasike.

Pengesa më e madhe për nisjen e shërbimeve të tilla të taksive fluturuese duhet të jetë infrastruktura, por edhe perceptimi i publikut, pra pranimi i një forme kaq inovative të transportit nga publiku, komentoi Craig Roberts nga firma konsulente PwC për BBC. Sa i përket objektivit të vitit 2026, ai tha se është i mundur, por se do të jetë mjaft sfidues. BBC thotë se më herët ecuria e kësaj industrie pengohej nga certifikimi i teknologjive të reja, por kjo tani po ndryshon sepse rregullatorët kanë filluar të arrijnë progresin teknologjik.

Si fillim, avionë të tillë mund të përdoren si zëvendësim për helikopterët, në mënyrë që publiku t'i pranojë ngadalë, dhe në zona me distancë më të madhe, dhe për shembullin e Britanisë së Madhe, një raport i qeverisë përmend se avionë të tillë mund të mbulojnë distancën mes Liverpool dhe Leeds në vetëm 26 minuta.

Sipas propozimit të qeverisë britanike, në Britaninë e Madhe duhet të ndërtohen aeroporte të vogla për taksitë fluturuese, pra dronët. Një koncept i tillë u shfaq dy vjet më parë në Coventry dhe u ndërtua nga kompania Urban Air Port. Drejtori ekzekutiv i saj, Andrea Wu, beson se një infrastrukturë e tillë për dronët duhet të jetë në qendrat urbane dhe se deri më tani nuk ka pasur shumë investime në infrastrukturë në Britaninë e Madhe. Edhe pse planet e qeverisë britanike i konsideron ambicioze, sepse para fillimit të shërbimit duhet të ndërtohet infrastruktura, pra vendet për ngritje dhe ulje, ai thotë se duhet të fillojë diku.

Përveç transportit, qeveria britanike dëshiron të përdorë dron edhe për dërgesë. Në disa zona, dron të tillë përdoren tashmë për të dërguar ilaçe dhe postë, domethënë policia i përdor për të gjurmuar kriminelët dhe plani është që në pak vite (deri në vitin 2027), dronët të bëhen një metodë e zakonshme e dërgesës.