INDEP publikon raportin për tranzicionin e drejtë energjetik në Kosovë

Tranzicioni i drejtë energjetik do të thotë distancim nga thëngjilli dhe mbyllje të termocentraleve, taksim ndaj karbonit, digjitalizim të transportit, minimizim të emetimeve të karbonit nga sektorët e tjerë ndotës dhe mbrojtjen e qytetarëve të prekur nga një sistem konvencional i energjisë duke ju siguruar kushte më të përshtatshme të punës dhe jetesës. 

Andaj, tranzicioni i drejtë energjetik siguron që personat e prekur nga ky proces të mos anashkalohen dhe nevojat e tyre të merren parasysh nga vendimmarrësit. 

Kështu që, përpos, transformimit të sektorit të energjisë dhe orientimit të tij drejt burimeve të ripërtëritshme, tranzicioni i drejtë energjetik përfshinë edheparimin që të mos lihet askush mbrapa.

Ky studim veçon rëndësinë e tranzicionit energjetik në sistemin elektroenergjetik të Kosovës. Gjithashtu, shpërfaq sfidat dhe mundësitë për të ardhmen, duke ditur se si proces, tranzicioni energjetik për Kosovën është i pashmangshëm. 

Publikimi i këtij raporti është mbështetur nga Qeveria Gjermane dhe implementuar nëpërmjet Deutsche Gesellschaft für Internationale Zusammenarbeit (GIZ) GmbH, Projekti i Energjisë në Kosovë.  Analiza në fjalë liston edhe disa rekomandime konkrete.

Për më shumë lexoni raportin:  Tranzicioni i drejtë i energjisë në Kosovë.