Për shumicën e njerëzve, Google Maps është një mjet i dobishëm për të kaluar nga pika A në pikën B. Por për një grup të vogël njerëzish kureshtarë, është një burim misteresh. Nëse shikoni mjaftueshëm, mund të gjeni imazhe të çuditshme që duket se fshehin diçka përtej realitetit. Ose mund të jenë vetëm shenja që Google Maps nuk po funksionon siç duhet. Sido që të jetë e vërteta, debati që provokon është zakonisht argëtues dhe stimulues.
Kjo është pikërisht ajo që ndodhi kur një përdorues i Reddit u duk se gjeti një vrimë të zezë në mes të oqeanit ndërsa përdorte Google Maps. “Çfarë dreqin është kjo”, shkroi kokoblocks në subreddit Google Maps. “Ky nuk duket si një ishull.” Sugjerimet e hershme thanë se ishulli mund të ishte një bazë e fshehtë ushtarake. “Duket e censuruar për disa arsye”, tha KorvisKhan.
Google shpesh mjegullon faqet “të ndjeshme” të
tilla si bazat ushtarake ose oborret e burgjeve, raportoi Live Science. Kjo në
fakt bëhet për të shmangur zbulimin e informacionit në lidhje me vendndodhjen
dhe strukturën e tyre.
Në imazhin e Google Maps që duket një vrimë e
zezë gjendet një fakt Ishulli Vostok. Ishulli Vostok është një ishull koral i
pabanuar në Oqeanin Paqësor qendror, pjesë e ishujve Line që i përkasin
Republikës së Kiribatit, dhe shtrihet 640 kilometra në veri-perëndim të
Tahitit. Ishulli për herë të parë u zbulua në vitin 1820 nga eksploruesi rus
Fabian Gottlieb von Bellingshausen, që ia vendosi emrin sipas anijes së tij,
Vostok.
No comments:
Post a Comment