Spanja është vendosur të ndalojë punën në natyrë gjatë periudhave të nxehtësisë ekstreme, njoftoi të mërkurën ministrja spanjolle e Punës Yolanda Diaz. “Ndryshimi i klimës... ka hyrë në jetën e njerëzve të rregullt. Është e vërtetë”, tha ajo, duke shpjeguar planin e qeverisë për të modifikuar legjislacionin ekzistues të punës. Diaz sqaroi se ndalimi do të zbatohej kur agjencia meteorologjike e Spanjës, AEMET, të lëshojë paralajmërime të kuqe ose portokalli të nxehtësisë, një skenar që tashmë është shpalosur në disa raste jashtëzakonisht të nxehta këtë vit. "Në të kaluarën, ne kemi parë incidente shumë të rënda... ku punëtorët i janë nënshtruar goditjes nga nxehtësia", shtoi ajo. Verën e kaluar gjatë një valë të nxehti në Madrid, për shembull, një 60-vjeçar vdiq teksa pastronte rrugët e qytetit. Ditë më vonë, një tjetër 56-vjeçar vdiq teksa dërgonte fletushka nëpër shtëpi.
Agjencia e shëndetit publik të Spanjës vlerësoi se temperaturat ekstreme shkaktuan vdekjen e afro 6000 njerëz në vitin 2022. Shumica dërrmuese e vdekjeve ndodhën në muajt e verës. Sipas AEMET, vera e kaluar ishte më e nxehta e Spanjës që nga fillimi i mbajtjes së të dhënave në vitin 1961. Spanja vazhdon të përballet me kushte jashtëzakonisht të nxehta dhe të thata këtë vit. Në fakt, vendi sapo ka regjistruar prillin më të ngrohtë, më të thatë dhe më me diell deri më sot.
Në përgjigje të krizës së thatësirës dhe nxehtësisë së
vendit, qeveria spanjolle ka thirrur një takim ministror urgjent për të enjten.
Gjatë këtij takimi, qeveria mund të miratojë një masë të re që synon mbrojtjen
e punëtorëve nga nxehtësia ekstreme.
No comments:
Post a Comment