Organizata ‘Pishtarët’ ka njoftuar se zyrtarja nga Komuniteti i Energjisë, Aleksandra Bujarovska ka qëndruar për dy ditë në Kosovë për të mbledhur evidencë për ankesën që kishte bërë kjo organizatë. Sipas komunikatës së ‘Pishtarëve’, kjo ankesë ishte bërë në vitin 2020 për shkatërrimet mbi mjedis dhe shkeljet ligjore nga institucionet e Kosovës dhe Kelkosi. “Znj. Bujarovska pati disa takime të ndara me shoqërinë civile, Ministrinë e Mjedisit, Zyrën e Kryeministrit, Zyrën e Presidentes, Avokatin e Popullit, si dhe Kelkosin. Kjo vizitë dhe progresi në ankesë janë tejet të rëndësishme për këtë kauzë pasi po i sjellin në vëmendje të BE-së shkatërrimin e Lumbardhit dhe dështimet e institucioneve të Kosovës, shtetit të Austrisë dhe Kelkosit në përgjegjësitë e tyre në këtë projekt”, thuhet në komunikatën e Kelkosit.
Organizata më tej thotë se shpresojnë që kjo vizitë të japë rezultate ku Kelkosi të marrë përgjegjësi për dëmet e shkaktuara në Kosovë si dhe të kryejë obligimet e caktuara. “KelKos Energy” ka ndërtuar tri hidrocentrale në Deçan, përkatësisht hidrocentralet ‘Lumbardhi II’, ‘Belaja’, ‘Deçani’. KelKos po ashtu kishte blerë edhe hidrocentralin “Lumbardhi”, i cili më parë ka qenë hidrocentral funksional në Grykën e Deçanit.
No comments:
Post a Comment