Zara, Prada, Adidas e Nike - brendet botërore të modës kontribuues të shpyllëzimit në Amazonë

Hulumtimi i ri në zinxhirët e furnizimit global të industrisë së modës tregon se një numër i markave të mëdha të modës janë në rrezik të kontribuojnë në shpyllëzimin e pyjeve tropikale të Amazonës, bazuar në lidhjet e tyre me fabrikë lëkurësh dhe kompani të tjera të përfshira në prodhimin e lëkurës dhe produkteve prej lëkure. Raporti, i publikuar së fundmi, analizoi gati 500,000 rreshta të dhënash doganore dhe zbuloi se markat si Coach, LVMH, Prada, H&M, Zara, Adidas, Nike, New Balance, Teva, UGG dhe Fendi kanë lidhje të shumta me një industri që mbështet shpyllëzimin e Amazonës. Më shumë se 50 marka kanë lidhje të shumta të zinxhirit të furnizimit me eksportuesin më të madh brazilian të lëkurës, JBS, i cili dihet se angazhohet në shpyllëzimin e Amazonës. JBS kohët e fundit mori një angazhim për të arritur zero shpyllëzim në zinxhirin e saj të furnizimit global deri në vitin 2035, diçka që grupet mjedisore e kanë quajtur të pamjaftueshme.

Monitorimi faunës së egër në territorin e PK “Bjeshkët e Nemuna”

Agjencioni për Mbrojtjen e Mjedisit të Kosovës (AMMK) përmes një komunikate njofton se në kuadër të aktiviteteve të rregullta për monitorimin dhe inventarizimin e biodiversitetit në zonat e mbrojtura të natyrës, Instituti i Kosovës për Mbrojtjen e Natyrës - IKMN edhe gjatë vitit 2021 ka vazhduar së realizuari aktivitetin e monitorimit të faunës së egër përmes vendosjes së kamerave kurth në zonat e mbrojtura të natyrës, dhe me theks të veçantë në Parkun Kombëtar “Bjeshkët e Nemuna”. “Në kuadër të këtij aktiviteti IKMN, po bashkëpunon edhe me Organizatat Jo Qeveritare Mjedisore Lokale. Një bashkëpunimin i tillë është duke u realizuar me shumë sukses me OJQ “ERA”, nga Peja, e cila është duke bërë monitorimin e faunës në kuadër të zonës së mbrojtur të Parku Kombëtar “Bjeshkët e Nemuna”, në disa lokacione të parkut”, njofton AMMK. 

Për herë të parë në historinë e Turqisë, era bëhet burimi më i madh i energjisë elektrike

Korporata e Transmetimit të Energjisë Elektrike ka njoftuar se në ditën e djeshme, energjia nga era është bërë burimi më i madh i gjenerimit të energjisë elektrike për herë të parë në historinë e Turqisë, me pjesëmarrje prej 22.6 për qind. Parqet e gjeneratorëve të energjisë elektrike nga era krijuan 178.964 megavat-orë nga prodhimi i përgjithshëm ditor i energjisë elektrike që ishte gjithsej 791.794 megavat-orë, transmeton Anadolu Agency. Kapaciteti i instaluar i energjisë elektrike të krijuar nga era arriti në 10.585 megavat, duke e bërë kapacitetin e dytë më të madh të burimeve të rinovueshme pas hidrocentraleve.

Forbes rendit Valbonën mes 5 bukurive mahnitëse të Ballkanit

Kur bëhet fjalë për turizmin, vendet e Ballkanit priren të mbeten në hije nga disa nga vendet më të mëdha perëndimore të Evropës, por kjo nuk do të thotë se nuk ka një botë me bukuri spektakolare që mund të gjendet në të gjithë gadishullin. Luginat e gjelbëruara, malet e larta dhe një grup i larmishëm speciesh vendase ballkanike janë vetëm disa nga pikat kryesore që presin vizitorët në këtë rajon historik. Ndërsa planifikoni udhëtimin tuaj të ardhshëm në Evropë, mos humbisni të gjitha bukuritë e bollshme natyrore që ofron gadishulli Ballkanik. Parku Kombëtar i Valbonës, është renditur nga revista prestigjioze amerikane Forbes mes pesë bukurive mahnitëse natyrore të Ballkanit Perëndimor që duhen vizituar. Lugina e Valbonës nuk është vetëm shtëpia e njerëzve, por në të shfaqet plotësisht edhe biodiversiteti i pasur i Ballkanit Perëndimor.